Mayor Jerry Treñas nagapanguna sa initial scoring sang Pulso Pulitika survey sang Aksyon Radyo Iloilo

Katuyuan sang survey nga mahimbisan ang mga potential nga kandidato sa 2025 elections.

Ginhimo ang survey sa 380 ka respondents sa pito ka mga distrito sa siyudad.

Sa 380 ka forms nga ginpanagtag, 371 ang valid, anum (6) ang invalid kag tatlo ang undecided respondents.

Sa amu nga survey, ginpamangkot ang mga respondents kun sin-o sa mga potential nga kandidato nga ginabati-bati mapadalagan ang ila piliun kun subong hiwaton ang eleksyon.

Walo ka mga potential candidates sa pagka-mayor sa siyudad ang ginpilian sang mga respondents.

Ini amo sanday incumbent Mayor Jerry Treñas, incumbent Congresswoman Julienne Baronda, former Iloilo City Mayor Jose Espinosa III, former City Mayor Jed Mabilog, Raisa Treñas-Chu, First Lady Liza Marcos, former City Councilor Lady Julie Grace “Love-Love” Baronda kag Mel Carreon.

Nakuha sang alkalde ang 184 votes; 57 votes ang kay Cong. Baronda; samtang may 37 votes si former Mayor Espinosa.

Nagtupa sa ikaapat nga pwesto si former Mayor Mabilog nga may 36 votes; nakakuha naman sang 25 ka mga boto si Raisa, 16 votes para kay First Lady Liza Marcos; former City Councilor Baronda nga may 13 votes kag ang three votes naman ang nakuha ni Mel Carreon. — via Aksyon Hotline