Lalaki nga nagbaligya sang loose firearm, arestado sa Oton

ILOILO— Gindakup sang police ang 35-anyos nga lalaki nga nagbaligya sang loose firearm sa Brgy. Pulo Maestra Vita, Oton kahapon, Abril 24.

Ginkilala ang subject kay Joelyn Antiqueña, residente sang amo man nga barangay.

Suno kay Police Lieutenant Colonel Abner Jordan sang Oton Municipal Police Station, nakabaton sila sang report nga nagabaligya sang mga armas ang lalaki.

Sa operasyon kaina, na-recover sa subject ang isa ka caliber .45 pistol Colt MK IV; isa ka steel magazine para sa caliber .45 pistol; apat ka bala para sa caliber. 45 pistol; kag boodle money.

Ginpahayag ni Jordan nga wala sang malain nga record ang subject.

Gina-check pa sang police kun diin sang subject ginakuha ang mga armas nga ginabaligya.