P1.6 million nga balor sang suspected shabu na-recover sa drug buy bust sa Arevalo; Dugang nga P1 million nga balor sang illegal drugs gin-turnover sang subject sa pulis

ILOILO— Na-recover ang P2.6 million nga balor sang suspected shabu sa drug buy bust operation sa Brgy. San Jose, Arevalo sang Abril 23 sang gab-i.

Ginkilala ang mga nagkaladakpan kanday Rommel Abillo, 33-anyos sang Zone 3, Barangay Calumpang, Molo, kag Ryan Oton, 34-anyos sang Barangay San Pedro, Molo.

Suno kay Police Captain Ryan Christ Inot, team leader sang Regional Police Drug Unit (RPDEU), ang duha ang gintudlo sang isa pa ka nadakpan nga naga-uyat sang stocks sang illegal drugs nga ginabaligya sa Iloilo City.

Ginakuha sang duha ang supply kay Jizrel nga taga-Bakhaw, Madurriao nga nakapalagyo sa operasyon sang RPDEU sang nagligad, suno kay Inot.

Sa operasyon sang police kagab-i, na-recover sa duha ang 240 grams sang suspected shabu nga may standard drug price nga P1,600,000.

Samtang, la-una kaina sang kaagahon, gin-turn over pa gid ni Abillo ang 150grams sang suspected illegal drugs nga ginatago niya sa ila balay sa Molo nga may standard drug price nga P1,020,000.

Sa impormasyon sang police, pareho nga nakaagi na preso sa kaso may kaangtanan sa illegal drugs ang mga nadakpan. — via Aksyon Farrah Mae Morano