P1.1 million nga balor sang suspected shabu na-recover sa HVI sa Lapuz

ILOILO CITY — Na-aresto sang Regional Police Drug Enforcement Unit 6 ang ginakabig high value individual sa drug bust operation sa Bo. Obrero, Lapuz kaina sang kaagahon.

Nakuhaan sang masobra isa ka milyon ka pesos ukon 175 grams sang suspected shabu ang subject nga ginkilala kay alyas Joey, 39-anyos, residente sang amo nga barangay.

Suno kay PCapt. Ryan Christ Inot, team leader sang RPDEU, naghalin ang impormasyon sa concerned citizen nga madamo sang indi pamilyar nga mga indibidwal ang nagakadto kada gab-i sa ila lugar kag ginapangita si Joey.

Tungod sini, gin-monitor sang intel operatives ang impormasyon kag nahibaluan nga naga-engage sa illegal drugs ang subject. — via Aksyon Paula Elambayo