Manugpangisda patay sang natuslok sang needlefish sa Tigbauan

ILOILO — Patay ang manugpangisda sang natuslok sa tiyan sang “balo” ukon needlefish sa Barangay Parara Norte, Tigbauan.

Ginkilala ang lalaki kay Rudy Tinasas, 59-anyos.

Kaupod sang biktima sa pagpangisda ang iya anak nga si Ronel sang natabu ang insidente.

Suno kay Ronel, nagatindog sa baroto ang iya amay sang naglumpat halin sa dagat ang balo nga may matalum kag malaba nga sungad, kag naigo sa tiyan ang biktima.

Gindala pa sa ospital ang biktima apang gindeklarar nga dead-on-arrival.