Pagdumili sang substitution pagkatapos file sang COC iduso sang Comelec

Nagpadulong sa Guimaras si Comelec chairman George Garcia agud pangunahan ang voters education and registration fair kahapon.

Sa iya press conference kadungan sang pagbisita man sa pagbukas sang Manggahan Festival sang Guimaras, gin-anunsyar ni Garcia nga plano niya iduso sa Comelec en banc nga idumili ang substitution pagkatapos file sang kandidato sang certificate of candidacy para sa 2025 elections.

Ginpaathag ni Garcia nga posible pasugtan lang ang substitution ukon withdrawal sa tiun sang COC filing halin Oktubre 1 tubtob 8 apang pagkatapos sang amo nga period, wala na sang substitution ukon withdrawal.

Pahanugutan lang suno sa iya ang substitution kun mapatay ukon ma-disqualify ang kandidato.

Ginpahibalo man ni Garcia nga iga-release sang comelec sa masunod nga semana ang guidelines para sa premature campaigning. —via Justice Savvanah Pamplona