JASAC Drugstore sa Arevalo gin-ransack

ILOILO CITY — Ginransak sang wala pa makilala nga suspect ang Jaro Archdiocesan Social Action Center (JASAC) drug store sa Sta. Filomena, Arevalo kahapon sang kaagahon, Mayo 6.

Base sa footage sang CCTV camera nga nakuha sang Aksyon Radyo Iloilo, ginsulod sang lalaki ang botika paagi sa pagbukas sang roll-up door kag nag-agi sa sliding window nga nagaserbe nga counter.

Antes sini, ginsulod sang suspect ang opisina paagi sa pagbuka sang jalousie sa bintana kag nakuha sa sulod ang liyabe nga amo ang ginbukas sa roll-up door.        

Indi pa magpaguwa sang statement ang JASAC kun ano ang nakuha kag kun pila ang kantidad, pero base sa inisyal nga pag-imbestigar sang police, nakuha ang unod sang cash register kag kwarta sa sulod sang isa pa ka drawer. — via Aksyon Marvin Malificiar