Flag down rate sang taxi mahimo na nga P50

ILOILO — Mapatuman sang P10.00 nga increase ang mga taxi companies sa Panay sa ila nga flag down rate.

Ini ang ginkumpirmar ni Mr. Pefecto Yap, presidente sang Taxi Operators in Panay (ATOP). Halin sa P40.00, mahimo na nga P50.00 ang flag down sang taxi.

Suno kay Yap, duha ka tuig na ang nagligad halin sang nag-file sila sang petisyon may kaangtanan sa flag down rate increase apang sang Marso subong nga tuig lang ini na-aprubahan.

Ginbasehan sang ATOP sa pagpasaka sang flag down rate ang mataas nga presyo sang gatong kag iban pa nga mga component sa transport services. Ginpaathag ni Yap nga P20.00 ang una nila nga gin-request apang ginpanubuan nila ini sa P10.00 agud indi man mangin mabug-at sa mga pasahero.

Kahapon, Hunyo 13, nakabaton si Yap sang communication halin kay LTRFB 6 OIC Atty. Salvador Altura, Jr. nga hulaton na lang nila ang matrix agud mapatuman ang increase.

Gin-athag man ni Yap nga flag down ang ginpasakaan sang P10.00 kag indi ang patak sang metro sa kada succeeding kilometers. — via Balita Banat Bulig