Send-off ceremony ginhiwat para sa Tribu Pan-ay nga magatiglawas sang Dinagyang Festival sa Aliwan Fiesta 2024
ILOILO CITY — Ginhiwat kahapon sa Iloilo Freedom Grandstand ang send-off ceremony sa Tribu Pan-ay nga magatiglawas sa Dinagyang Festival sa Aliwan Fiesta 2024 nga hiwaton halin Hunyo 27 tubtob 29.
Nagpakita sang ila patilaw nga performance ang tribu antes ang pagpadulong sa Manila agud magpasundayag sa street dance competition sang Aliwan Fiesta.
Sang nagligad nga tuig, gindeklarar nga kampeon sang Aliwan Fiesta ang Dinagyang Festival.
Ang Aliwan Fiesta nga ginapasakupan sang mga nagkalain-lain nga festival sa pungsod ang gin-organisar sang Manila Broadcasting Company nga nagapanag-iya sang Aksyon Radyo Iloilo. — via Aksyon Farrah Mae Morano
