P4.1 million nga pondo ginpain para sa atop sang overpass sa San Rafael, Mandurriao

Nagpain ang Iloilo City government sang dugang nga P4.1 million nga pondo para sa atop sang pedestrian overpass sa Diversion Road, San Rafael, Mandurriao.

2015 sang gintukod ang overpass sa balor sang P20 million lakip na ang pagbutang sang duha ka elevators.

Apang naguba ang elevator tungod wala ginagamit rason nga nagpain ang siyudad sang P5.1 million sang nagligad nga tuig agud ibakal sang bag-o.

Sa impormasyon halin sa City Engineer’s Office, himuan pa ini sang plano kag i-bidding antes suguran ang pagpa-atop. — via Aksyon Justice Savannah Pamplona