9 ka alkalde sa Iloilo province wala sang kontra sa 2025 midterm elections
Wala sang kasumpong sa 2025 midterm elections ang siyam ka nagapapili sa pagka-alkalde sa probinsya sang Iloilo.
Ini tungod wala sang iban nga nag-file sang certificate of candidacy sa pagka-mayor sa magluwas sa mga incumbent nga kanday Badiangan Mayor Atty. Suzette Mamon, Alimodian Mayor Kenneth Alfeche, Leganes Mayor Vicente Jaen II, Lemery Mayor Oscar Villegas, Jr., Maasin Mayor Francis Amboy, Oton Mayor Sofronio Fusin, Jr., Pavia Mayor Laurence Anthony Gorriceta, kag Santa Barbara Mayor Dennis Superficial. Wala man sang kontra si SB member, Atty. Carl Vincent Mondejar nga nagapapili sa pagka-mayor sa New Lucena.
Sa pagka-vice mayor, wala man sang nagkontra kanday Pavia Vice Mayor Edsel Gerochi, Alimodian Vice Mayor Geefree Alonsabe, Badiangan Mayor Cylas June Nobleza, Leganes Mayor Lyle Bartolome, kag Maasin Vice Mayor Vicente Albacete.
Base sa COMELEC Resolution, magasugod ang campaign period sa Marso 28 tubtob Mayo 10, 2025. — via Aksyon Cedrick Anona
