Mag-live in partner nakuhaan sang P7.6 million nga balor sang suspected shabu sa Estancia

ILOILO — Na-recover ang masobra P7.6 million nga balor sang suspected shabu sa maglive-in partner nga subject sang drug buy bust operation sa Brgy. Bulaqueña, Estancia las-4:45 kaina sang kaagahon.

Ginkilala ang mga nagkaladakpan kanday alyas Adnan, 35-anyos nga residente sang Zone 2, Estancia; kag iya live-in partner nga si alyas Rogielyn, 27-anyos sang Brgy. Mambulak, Silay City.

Suno kay Major Dadje Delima, head sang Provincial Drug Enforcement Unit (PDEU), pareho nga nakaagi preso sa kaso may kaangtanan sa illegal drugs ang mag-live in partner.

Nagahalin sa Manila ang supply sang illegal drugs sang duha kag gina-distribute sa Northern part sang Iloilo, porsyon sang Capiz, kag syudad sang Iloilo.

Ginabanta sa 1,120 grams sang suspected shabu ang nakumpiskar sa subjects.

Naga-conduct sang follow up operation ang kapulisan sa pagka-aresto sang duha. — Aksyon Farrah Mae Morano