Nabitasan Elementary School Nakuha Na Ang Premyo Bilang Beneficiary School Sa Winner Sang Milo Champanalo Milyun-Milyon Raffle Promo

Iloilo City – Nakuha na sang Nabitasan Elementary School ang ila premyo bilang school beneficiary sa winner sang Milo Champanalo Milyun-Milyon Raffle Promo sang Manila Broadcasting Company kag Nestle Philippines.

Ginbaton ni Lilibeth Ileja, head sang Teachers’ Club sa Nabitasan Elementary School kag representative sang principal nag si Clarissa Ojera, ang cheque nga balor 100 mil pesos.

Suno kay Ilejay, gamiton nila ang kwarta agud ibakal sang kagamitan sa proyekto nga nagatuyo sa pag-improve sang reading skills sang mga estudyante. Kon may bilin, mabakal man ang eskwelahan sang sound system para sa ila stage.

Ang Nabitasan Elementary School ang beneficiary ni Rolly Mardoquio, ang construction worker nga nagdaug sang 300 mil pesos sa raffle promo sang disyembre.  Daku gid ang pasalamat ni maam Ilejay nga nakabenipesyo sila sa kadalag-an ni Mardoquio nga may naga-eskwela man nga bata sa Nabitasan Elementary School.

(Aljohn Torreta)