Simple nga selebrasyon sang Eid’l Fitr

Iloilo City–Wala naghiwat sang daku nga selebrasyon ang muslim community sa syudad sa pagtapos sang Ramadan ukon Eid’l Fitr.

Suno kay Sultan Sammy Hajimanan, Public Information Officer sang Muslim Federation sa Western Visayas, nahisugtan nila nga mangin simple lang ang selebrasyon bangud sang krisis sa Marawi City.

Nagasimpatiya suno sa iya ang Muslim community sa syudad sa mga pagsakripisyo sang mga muslim nga apektado sang giyera sa Marawi.

Ang Eid’l Fitr suno kay Hajimanan makabig nga pinaka-importante nga holiday sa Muslim community bangud nagakahulugan ini sang pagsakripisyo kag paghimo sang kaayuhan sang mga Muslim sa sulod sang isa ka bulan. (AGB)