10-ka tuig nga lalaki nga ginsugo magbakal sa tyangge, patay sang nabungguan sang pick-up sa San Dionisio

San Dionisio, Iloilo — Patay ang 10 ka tuig nga lalaki matapos nabungguan sang Isuzo Fuego pick-up sa JM Basa Extension, Barangay Poblacion, San Dionisio. Suno kay PO2 Jave John Velasco, imbestigador sang San Dionisio Police Station, pabalik na kuntani si alyas Nonoy sa ila balay matapos ginsugo nga magbakal sa tyangge sang natabo ang insidente. Ginlikawan man sang driver nga si Mark Anthony Dadivas,35-anyos sang Barangay Poblacion Ilaya, Panit-an, Capiz ang biktima suno kay Velasco apang nalab-ot sang iya salakyan. Gindala pa sa ospital si Nonoy apang napatay bangud sang pilas sa tiyan kag abaga. Preso sa San Dionisio Police Station si Dadivas. (JoMaque)