PO1 Dorben Acap Jr. nga natiruhan sang gintudlo kabaro nga pulis sa Arevalo, nag-file sang sick leave extension nga isa ka bulan

Iloilo City — Nag-file sang sick leave extension nga isa ka bulan si PO1 Dorben Acap, Jr, ang police nga natiruhan sang gintudlo kabaro niya nga police nga si PO2 Melvin Mocorro sang Hunyo 26 sa Arevalo.

Ini ang ginkumpirmar ni Supt. Joem Malong, spokesperson sang Police Regional Office 6 antes pa man ini mapaidalum sa absence without official leave (AWOL) status.

Suno kay Malong, ginpirmahan ni Acap ang iya application kag ginsubmit sang iya tiya sa Regional Personnel Human Resource and Development Division (RPHRDD).

Wala sang matumod nga rason si Malong sa sick leave extension ni PO1 Acap nga i-subject sa validation sang personnel, intelligence division kag sang Regional Health Service.

Ginpahayag nga tubtub Oktubre 31 ang extension sang leave ni Acap matapos ang una nga leave application sang Setyembre 19, 2018. (JoMaque)