(Update) Apat ka lalaki lakip ang duha ka menor-de-edad nga ginreklamo nag-gang rape sang 16 anyos nga dalagita sa Dueñas, ginpasakaan na sang kaso

By: Aine Grace Bravo | September 20, 2019

via Jeremy Brian Valle

Dueñas, Iloilo — Ginpasakaan sang kaso ang apat ka lalaki nga ginreklamo nag-gang rape sa 16 anyos nga dalagita sa Dueñas sang Setyembre 16.

Ginkumpirmar ni Police Corporal Jowenes Amparan sang Women and Children’s  Protection Desk sa Duenas Police Station, ginpasaka ang kaso nga rape in relation to RA 7610 batuk sa apat, duha sa ila ang mga menor-de-edad.

Nauna na nga nadakpan ang 16 anyos nga si alyas Nonoy nga gin-turnover sa DSWD.

Gin-ako ni alyas Toto sang napakig-angutan sang Aksyon Radyo News Team nga may natabu sa ila ni alyas Nene, pero ginpanginwala nga ginpwersa nila ang dalagita.

Nagapadayon nga at-large si Toto kag duha pa ka ginreklamo ni Nene.