‘Ang ginabantayan ta, ang healthcare utilization rate’ – Iloilo City Mayor Jerry Treñas

ILOILO CITY – Wala sang plano si Mayor Jerry Treñas nga magpatuman sang lockdown bisan nga nagadamo naman ang COVID-19 cases.

Suno sa alkalde, mabudlay kun magpang-lockdown bangud madamo ang apektado.

“Indi gid kita tani mag-lockdown kun pwede kay ti kabudlay kun mag-lockdown. Ang mga pumuluyo ta, especially ang mga small businesses, apektado gid. Ang importante, masunod kita sa mga health protocols,” suno sa alkalde.

Ginabantayan suno kay Mayor Treñas ang healthcare utilization rate bangud ini ang basehan kun manghugot pa ang syudad.

“Kun mapuno ang aton hospitals kag ICUs, waay gid kita choice,” ang pahayag sang alkalde. – via Aksyon Hotline