6 ka imbestigador, ipadala sang ICPO sa Estancia agud magbulig sa imbestigasyon sa shooting incident
Mapadala ang Iloilo City Police Office (ICPO) sang anum ka imbestigador sa Estancia agud magbulig sa imbestigasyon sa kamatayon sang tatlo ka mag-abyan sang Setyembre 14.
Suno kay ICPO Director Police Col Leo Batiles, kasunod ini sang mandu sang Police Regional Office (PRO) 6 nga magpadala sang mga personnel agud makabulig nga mapadasig ang pagsolbar sa kamatayon nanday JP Bosque, Floyd Fernandes kag Mark Libao.
Ipadala ni Batiles ang anum ka pulis sa pagpanguna ni Police Major Glen Jaromay chief sang investigation section sang ICPO kag lima ka iban pa nga mga pulis.
Gindugang ni Batiles nga nag-abiso man si Mayor Jerry Treñas nga magpadala sang police halin sa ICPO bangud taga-syudad ang mga biktima.