22 ka estudyante sang Pili NHS sa Ajuy nga ginpahayag na-food poison, nagpositibo sa amoeba

ILOILO — Positibo sa amoeba ang 22 ka mga estudyante nga nagbatyag sang pagsakit sang tiyan kag pagsuka bangud ginpahayag na-food poison sa Pili National High School sa Ajuy.

Suno kay Provincial Health Office (PHO) head Dr. Maria Socorro Quiñon, 40 ang ginkuhaan sang stool samples kag ginpaidalum sa laboratory.

Nagpadala naman ang Iloilo Provincial Epidemiology Surveillance Unit (PESU) sang stool sample sa RITM para sa confirmatory test.

Base sa data sang PHO, 40 ka mga indibidwal ang nagbatyag sa diin 30 diri ang na-admit; 9 ang Out Patients kag isa ka napatay.

Sa 30 ka mga admitted, 21 ang confined sa Sara District Hospital kag 9 ang sa Neil D. Tupas District Hospital sa Barotac Viejo, Iloilo.