Masobra P7 million nga balor sang suspected shabu na-recover sa Santa Barbara

ILOILO — Na-recover ang P7,072,000 nga balor sang suspected illegal drugs sa buy bust operation sa Barangay Cabugao Sur, Sta. Barbara sang Mayo 2 sang gab-i.

Suno kay PCAPT Ryan Christ Inot, team leader sang Regional Police Drug Enforcement Unit (RPDEU) 6, ginakabig distributor sang illegal nga druga sa probinsiya sang Iloilo ang mga subjects nga kanday alyas Ferfer, taga-Tanza Timawa, City Proper, kag alyas Bryan nga residente sang Camambugan, Sta. Barbara.

Dugang pa ni Inot, ginapadala paagi sa courier ang ilegal nga druga pero ginpahayag sang mga subjects nga wala sila nakahibalo kun ano ang unod sang ginapadala sa ila.

Sa pag-check sang police, nakita nga may mga ngalan sang banwa pareho sang Banate, Janiuay, Calinog kag Pototan ang mga items.

Magluwas sa 12 ka knot-tied kag lima ka sachets sang suspected shabu, na-recover man sa mga subjects ang .357 caliber pistol kag homemade shotgun. —via Maria Kayla Tingzon