45 ka adlaw nga campaign period para sa mga local candidates sa May midterm elections nagsugod na subong nga adlaw
\Nagsugod na subong nga adlaw ang 45 ka adlaw nga campaign period para sa mga local candidates nga nagahandom sang position sa 2025 midterm elections.
Puwede na nga magpangampanya ang mga nagapadalagan sa pagka-gobernador, bise gobernador, provincial board, kongresista, mayor, vice mayor, city councilors, kag municipal councilors.
Nagpahanumdom ang Commission on Elections sa mga local candidates nga sundon ang guidelines lakip na ang paggamit sang mga lawful election paraphernalia kag pagbutang sa mga designated areas.
Nagpanawagan man ang Comelec sa mga kandidato nga likawan ang vote-buying ukon pagpanagtag sang mga political merchandise items sa mga botante.
Magalawig tubtob sa Mayo 10 ang pagpangampanya pero ginadumilian sa Abril 17, Abril 18, bisperas sang election sa Mayo 11 kag election day sa Mayo 12.
Nagpangabay naman ang Comelec sa mga kandidato nga dapat ipabilin ang kalinong kag katawhay tubtob matapos ang pinili-ay. — Comelec
