Jaro Archdiocese, nagapasalamat sa bulig sang police agud masiguro nga wala sang kalakasan sa kapiestahan sa Pebrero 2

Iloilo City — Nagapasalamat ang Jaro Archdiocese sa mga pulis sa pagbulig agud masiguro nga malinong kag matawhay ang kapiestahan sa distrito sa Sabado, Pebrero 2.

Suno kay Father Angelo Colada, nagpasiguro si Senior Inspector Eduardo Siacon, hepe sang Jaro Police Station, nga wala sang pamahug sa distrito. Pero mas istriktuhon sang mga pulis ang pagbantay agud wala sang makalusot nga mga luyag magpanggamo.

Naghingyo man si Colada sa mga tawo nga sundon ang mga otoridad kag mag-report gilayon kon may makaduluda nga mga tawo. Dugang ni Colada, dapat man ipangamuyo ang malinong nga fiesta. (AGB)