18-anyos nga lalaki patay sang nalumos sa suba sa Calinog

ILOILO— Patay ang 18-anyos nga lalaki sang nalumos sa suba sa Brgy. Caratagan, Calinog kahapon, Abril 23.

Suno kay Police Master Sergeant Joven Aldabon, imbestigador sang Calinog Municipal Police Station, nagpaligo sa suba ang biktima upod sa duha pa niya ka paryente antes nalumos.

Natyempuhan nga nagkadto sa madalom nga porsyon sang suba ang biktima kag indi makahibalo maglangoy gani nalumos, suno sa police.

Ulihi na suno sa iya nga ginpahibalo sang duha ka mga upod sang biktima ang pamilya sang natabo.

Ginhingagaw pa dala sa ospital ang biktima pero gindeklarar nga napatay. — via Aksyon Farrah Mae Morano